ظهرت المقالة وداعا لعناء نقل الاثاث أولاً على شركة الشهد الدولية لنقل و تغليف الاثاث.

ازاي تختار العفش المناسب لبيتك؟

اختيار العفش المناسب للبيت من الأساسيات اللي بتمر بيها أي ست في حياتها سواء كانت لسة عروسة بتجهز شقتها أو حتى متجوزة وحابة تغير عفش بيتها. الخطوة دي غالبا بتكون محيرة وبالذات لو بتعمليها لأول مرة علشان أكيد هيعجبك حاجات كتير ومتبقيش عارفة ايه الأنسب لديكور بيتك أو متعرفيش تحددي المعايير اللي على أساسها تختاري العفش. في الحقيقة، الموضوع دة مش سهل وعايز مهارة وخبرة وحس فني عالي كمان علشان تستفيدي الاستفادة الكاملة من العفش اللي هتشتريه. ولأن بيتك هو مملكتك، والعفش هو عنوان جماله وأناقته، قررنا اننا نقولك على كام نقطة مهمين وهيساعدوكي في اختيار العفش المناسب لبيتك:

تحديد المساحات: 

تحديد المساحات دة مش بس بيكون للصالة وللأوض والأرضيات، دة كمان بيكون للسجاجيد والستائر علشان حجم العفش لازم يكون مناسب ومتناسق مع الديكور. علشان كدة ركزي في النقاط اللي هنقولها دي كويس لأنها هتوريكي ازاي ممكن تستفيدي من المساحات على قد ما تقدري لو شقتك صغيرة.

• استخدمي قطع الأثاث الصغيرة أو الأثاث المصنوع من الزجاج لو مساحة الأوضة صغيرة عشان تدي وسع للمكان.
• اشتري قطع أثاث متعددة الاستخدمات زي الكنبة اللي ممكن تقلبيها سرير مثلا أو توسعيها علشان كذا حد يقدر يقعد في حالة لو جالك ضيوف، ودي هتكون اضافة ممتازة للشقق الصغيرة. وبكدة هتستفيدي من المساحة الباقية في انك تحطي قطعة أثاث تانية انتي محتاجاها أو حتى تسيبيها فاضية عشان تدي وسع للمكان.
• الأوض الصغيرة ممكن ميكنش فيها مكتب منفصل للمذاكرة أو للشغل، وفي الحالة دي..ناس كتير بتنقل المكتب لغرفة المعيشة وممكن يشيلوه لو جالهم ضيوف..بس ليه التعب دة كله مادام ممكن تشتري ترابيزة  متعددة الاستخدامات؟ يعني منها تقعدي فيها وتشربي قهوتك مع صحابك ومنها تستخدميها للشغل..وبكدة تبقي ضربتي عصفورين بحجر.
• لو هتشتري قطع أثاث أو ديكورات صغيرة علشان تملي بيها المساحات الفاضية في شقتك، يبقا أحسنلك تستفيدي من المساحة دي في انك تحطي مرايا كبيرة لأنها بتديكي احساس ان الأوضة أوسع ومشرقة أكثر، وخليها مقابل الشباك علشان تدخل ضوء أكثر لشقتك.
• كرسي الأكليريك: أي حاجة مصنوعة من الأكليريك بتكون اختيار ممتاز للمساحات الصغيرة لأن شكلها شيك ومش بتاخد مساحة كبيرة من البيت و سهل تنقليها من مكان للتاني..دة غير انها بتكون مفيدة جدا لو جالك ضيوف.

نوع الديكور:

• اختيارك لديكور شقتك بيعتمد على حاجات كتير، أولها المساحة. يعني لو شقتك مساحتها كبيرة (من 150 – 300) ممكن تستخدمي الديكور الكلاسيك لأنه مش هيأثر أو يقلل من مساحة شقتك بشكل كبير، دة غير انه العفش الكلاسيك بيتميز بقوته ومتناته وتنوع أشكاله اللي بترضي كل الأذواق.  ومن أهم أنواعه، لويس ال 16 وال 15 والامبراطوري.
• لو شقتك مساحتها صغيرة شوية (100 متر أو أقل) يفضل تستخدمي الديكور المودرن لأنه بيجمع بين البساطة والأناقة وهيدي شكل أوسع لشقتك لأن حجمه بيكون  أصغر من العفش الكلاسيك، دة غير انه مرن وسهل تنقليه من مكان للتاني وممكن تدمجيه مع كل الألوان، وبكدة هتقدري تختاري الديكور اللي بيعبر عن شخصيتك.
• الزخارف المذهبة بتناسب الديكور الكلاسيكي وبالذات الفرنسي وبتدي شكل مميز للبيت. وممكن تستخدميها في تركيب كرانيش السقف كمان.
• الكونسول من أكثر أنواع الأثاث اللي بتناسب الديكور الكلاسيكي ويفضل دايما يكون مكانه في مدخل البيت.
• العفش الأمريكي وورق الحائط مع الأرضيات الباركيه من أكثر أنواع الأثاث اللي بتناسب الديكور المودرن.
• لو عايزة تجمعي بين الديكور الكلاسيكي والمودرن يبقا الزخارف الفضية هتكون الاختيار الأنسب ليكي ودة لأنها بتتميز بالبساطة والفخامة في نفس الوقت.

الميزانية:

• ودي من أهم الحاجات اللي لازم تحطيها في بالك قبل ما تشتري لأنك على أساسها هتعرفي تحددي لو هتشتري عفش جاهز أو هتفصلي.
• لو ميزانيتك في حدود 100,000 جنيه أو أكتر..اشتري جاهز أحسن لأنه هينجزك لو انتي مستعجلة وكمان هيوفر من عليكي مجهود كبير. وحاولي تشتري دايما من الأماكن المعروفة والمضمونة زي “ان أند أوت” و “هوم فيرنتشر” و”أمريكيان فيرنتشار”.
• لو ميزانيتك في حدود 60,000 – 90,000 يبقى التفصيل هيكون أحسن اختيار ليكي لأنه هيساعدك تتحكمي في حاجات كتير زي نوع القماش ولونه والخامات والديزاين ونوع الخشب سواء كان ورد، موسكي، بلوط أو غيره وهيساعدك تتحكمي كمان في الأسعار. الفرق بس بينه وبين الجاهز أن التفصيل بياخد وقت أطول فلازم تبقي عاملة حسابك من بدري ومحددة انتي عايزة ايه، بالذات لو انتي عروسة.

الألوان:

• الألوان بيكون ليها دور أساسي في انها تبرز جمال الديكور وكمان تعكس الضوء..ولو انتي حريصة ان بيتك يكون شكله مختلف وانيق ومميز في نفس الوقت، مهم جدا انك تدخلي درجات الوان مختلفة مع بعض بس بكميات معقولة علشان يكون مريح للعين ..بمعنى انه يكون في تناقض في الألوان بين دهانات الحيطة ولون قماش العفش والسجاد.
• لون الدهان الفاتح للحيطة زي الأبيض أو البينك الفاتح بيدخل البهجة للبيت وكمان بيعكس الضوء كويس..دة غير انه بيليق على كل أنواع الديكور. بس يفضل انك تستخدمي الوان فاتحة لقماش العفش برضه لأنها هتعكس الضوء بشكل أكبر وهتدي وسع للمكان كمان وبكدة هتبقي مبسوطة ومرتاحة أكثر .

ظهرت المقالة ازاي تختار العفش المناسب لبيتك؟ أولاً على شركة الشهد الدولية لنقل و تغليف الاثاث.

ظهرت المقالة نقل الموبيليا بدون خدش أولاً على شركة الشهد الدولية لنقل و تغليف الاثاث.

ظهرت المقالة فك و تركيب الاثاث أولاً على شركة الشهد الدولية لنقل و تغليف الاثاث.

ظهرت المقالة تخزين الاثاث أولاً على شركة الشهد الدولية لنقل و تغليف الاثاث.